O Concello de Salvaterra de Miño, a Deputación de Pontevedra e a Escola Superior de Conservación e Restauracións de bens culturais de Galicia ofrecen dous Obradoiros Infantís de restauración dirixidos a nenos e nenas de 6 a 12 anos, o próximo sábado 12 de decembro na Casa de Cultura de Salvaterra de Miño. O primeiro será un Obradoiro de Escultura, dirixido aos nen@s de 6 a 9 anos, que comezará ás 10.30, cunha duración de 1.30h, o obxectivo deste obradoiro será reintegrar faltas en escultura e limpar esculturas de escaiola. De seguido comezará o Obradoiro de Arqueoloxía, ás 12.00h, tamén cunha duración de 1.30h, e está pensado para nen@s de 9 a 12 anos, que farán traballos de reconstrución de macetas e moldes de petróglifos de escaiola. Todos os interesados en participar deberán inscribirse no Concello de Salvaterra de Miño ( 986 658 082).
No hay comentarios:
Publicar un comentario